Willi und Hermann, twei Bengels von drütteigen Johr, de dachten sich, wie dat woll schmeckt,
wenn man sich eis ne Piep ansteckt.
Den Tobak tau besorgen, dacht Hermann, mokt woll keine Sorgen.
Einssösstig her hei woll in de Tasch, fiir'n Päckchen „Kolumbus" reikte dat.
Die Frau in' Tobakloden seech em scheif an,
„Dien Varrer rockt „ Nortak" för twei Mark, leif Mann".

Dat wier de ierste Verseuck, us Tobak tau besorgen.
Woher jetzt wecken kriegen, mokte de Bengels Sorgen.
Sei hem nich lang öwerlecht, dat käm die Idee,
dat Hermann sich bi sienen Varrer klammheimlich Tobak borgen deh.

De Piep wull Willi mitbringen,
woher de se nehm, kann ick mi nich mihr entsinnen.

Inne unbeobachtete Minut, nehm
Hermann sich Tobak ut sien Varrers Päckchen rut.

Ruck-zuck, den Toback in't Taschendauk packt,
hei dacht so bi sich - hätt ja wunnerbor klappt.
Kort vör Merrach secht sien Varrer tau em,

wie möten jetzt gliek noch inne Wisch Greuns meigen
vör de Schop und Zegen,
wecker weit, vielleicht gift dat hüt Nohmerrach noch Regen.

Kort vörn Regen wiern sei mit dat Greuns tröch,
Hermann löp de Schweit woll in Strömen von' Brägen.
Dat Taschendauk rut, den Schweiß afgewischt,
deTobak flöch inne Köck ümher up den Köckendisch und up de Fliesen.

Murrer secht: „Jung wat is dat! Kannst Du mi dat wiesen?"
„Dat's Tobak secht Varrer, gor keine Froch, ick
hew mi schon wunnert, wer bie dat Tabakpäckchen ist west,
dorin is man bloß noch nen Rest."

Nu wiert mit dat Piepenrocken vörbie,
von Varrer gelt ne düchtige Schillerte.
Klock tweiten käm Willi, wull Hermann afhollen.
„Is Hermann dor?" fröcht hei den 011en.

„Ick war die helpen, Hermann afhollen -
dat Piepenrocken har juch woll bannig gefollen.
Dienen Öllern war'ck von de versöchte Rökerie verteilen,
dat de die noch tau Reh woll stellen."

Willi schleek von Hoff , em wöh wull uk schweiten.
„Woher künn de Olln von uns Rocken wull weiten?"
Poor Dach spärer , de Arrest wihr vörbie,
secht Fründ Will tau Hermann:"Dien Varrer hät mienen Öllern woll nix verteilt,
süss harn's mi woll tau Reh noch stellt."

Velle Johre spärer hem'w öwer dat Piepenrocken uns noch hoecht,
wie wüssten, dat Rocken nicht döcht.
Man kann düchtig sporen, dorüm sind wie Nichtrocker wor'n, dat Wichtigste anne
Nichtrockerie - 

Gesundheit - is uk noch dorbie.